បទចម្រៀង “ពង្សាវតាខ្មែរ” ទទួលបានការចាប់អារម្មណ៍ឡើងវិញ

coollove — Wed, 16 Jul 2008 00:30:04 +0000

ក្រោយព្រឹត្តិការណ៍សំខាន់ៗមួយចំនួនចាប់តាំងពីពាក់កណ្តាលខែមិថុនា ឆ្នាំនេះមក ដូចជា ព្រឹត្តិការណ៍រំឭកខួបអនុស្សាវរីយ៍ឆ្នាំទី ៤៦ ថ្ងៃដែលប្រាសាទព្រះវិហារត្រូវបានតុលាការក្រុងឡាអេសម្រេចប្រគល់ឲ្យខ្មែរវិញ ដែលរៀបចំដោយអង្គការសមាគមខ្មែរចំនួនប្រាំបួន កាលពីថ្ងៃទី ១៥ មិថុនា ២០០៨ និងព្រឹត្តិការណ៍ដ៏មានមោទនភាពដែលគណៈកម្មការបេតិកភ័ណ្ឌពិភពលោកសម្រេចជាឯកច្ឆន្ទដាក់បញ្ចូលប្រាសាទព្រះវិហារជាសម្បត្តិបេតិកភណ្ឌពិភពលោក ដែលត្រូវបានរៀបចំជាបន្តបន្ទាប់ដោយអង្គការសមាគមខ្មែរ ស្ថានីយ៍ទូរទស្សន៍ស៊ីធីអិន អាជ្ញាធរដែនដី សាលាក្រុងភ្នំពេញ និងស្ថានីយ៍ទូរទស្សន៍បាយន្តកាលពីពេលថ្មីៗនេះ យើងសង្កេតឃើញថា បទចម្រៀង “ពង្សាវតាខ្មែរ” ដែលបាននិពន្ធឡើងដោយ សម្តេចព្រះសង្ឃរាជ ជួន ណាត ព្រះមហាវរបុរសអក្សរសាស្រ្តខ្មែរ ចាប់ផ្តើមល្បីល្បាញ និងជាទីចាប់អារម្មណ៍របស់ពលរដ្ឋខ្មែរទាំងចាស់ទាំងក្មេង។

យើងសង្កេតឃើញថា ពីមុនមក បទនេះហាក់បីដូចជាត្រូវបានគេបំភ្លេចចោល។ យើងកម្រនឹងស្តាប់ឮបទនេះតាមវិទ្យុ ឬទូរទស្សន៍ណាស់។ ប៉ុន្តែព្រឹត្តិការណ៍សង្គម បានបង្វែរស្មារតីកូនខ្មែរឲ្យមានមោទនភាពជាខ្មែរ ស្រឡាញ់សម្បត្តិវប្បធម៍ខ្មែរ រួចបានជ្រើសរើសបទមួយនេះដាក់ក្នុងរបៀបវារៈ ដែលទទួលបានការគាំទ្រពេញទំហឹងពីសាធារណជនខ្មែរ។

ចម្រៀង “ពង្សាវតាខ្មែរ” ពិតជាមានអត្ថន័យធំធេង ល្អវិសេសវិសាល បង្កប់នូវមនោសញ្ចេតនាស្នេហាជាតិមាតុភូមិ បណ្តុះគំនិតជាតិនិយម បង្ហាញមោទនភាពដែលបានកើតជាកូនខ្មែរ រស់នៅលើទឹកដីខ្មែរដែលបានបន្សល់ទុកមកពីដូនតារាប់រយជំនាន់ ហើយបានទូន្មានខ្មែរទាំងអស់ឲ្យខិតខំតាំងចិត្តក្លាហាន ដើម្បីថែរក្សា និងលើកតម្កើងជាតិសាសន៍របស់ខ្លួនឲ្យល្បីល្បាញដូចពីសម័យអង្គរដ៏រុងរឿង។

ខាងក្រោមនេះ ជាអត្ថបទចម្រៀងទាំងស្រុង នៃ “ពង្សាវតាខ្មែរ” ៖

១» ខ្មែរអើយចូរចាំជាក់ថា តាមសាវតា ជាតិខេមរា ធ្លាប់តែថ្កើង ទឹកដីខ្មែរធំ ទូលំទូលាយ សព្វសាយរុងរឿង គេឯងតែងលើកតម្កើង តម្កល់ជាតិយើង ចាត់ទុកឡើងជាជាតិច្បង។

២» អារ្យធម៌ខ្ពង់ខ្ពស់ឆើយឆាយ បានចេញផ្សព្វផ្សាយ គ្រប់ទិសទាំងឡាយ ចុងបូព៌ា សាសនាសិល្បៈ ចម្លាក់វិចិត្រ គំនិតសិក្សា តន្ត្រីទស្សនវិជ្ជា អាចយកសិក្សា ជាគោលការណ៍ដែលខ្មែរផ្សាយទៅ។

៣» ខ្មែរអើយចូរស្តាប់សាវតា ដែលបានចរចារ បញ្ជាក់ប្រាប់ថា ពូជខ្មែរថ្កើង តាំងចិត្តឲ្យមាំ ខិតខំប្រឹងវិញ បញ្ចេញតម្កើង តម្លៃ នៃជាតិខ្មែរយើង ឲ្យបានរុងរឿង ជាថ្មីឡើងតាមសាវតា។

UNESCO បានដាក់បញ្ចូលទីកន្លែងថ្មីចំនួន២៧ក្នុងបញ្ជីបេតិកភណ្ឌពិភពលោក

coollove — Wed, 09 Jul 2008 10:11:53 +0000

ទីក្រុងកេបិច ប្រទេសកាណាដា ៖ គណៈកម្មាធិកាបេតិកភណ្ឌពិភពលោកបានសម្រេចបញ្ចូលទីកន្លែងថ្មីចំនួន ២៧ ចូលទៅក្នុងបញ្ជីបេតិកភណ្ឌពិភពលោក នៅឯកិច្ចប្រជុំលើកទី ៣២ កាលពីថ្ងៃទី ២ ដល់ថ្ងៃទី ៧ ខែកក្កដា ឆ្នាំ ២០០៨ ក្នុងនោះក៏រួមបញ្ចូលនូវ បាការដ្ឋាន (សំណង់ការពារសឹកសត្រូវ) របស់បារាំង ប្រាសាទហិណ្ឌូមួយ និងជីវដែនសត្វមេអំបៅមួយកន្លែងផងដែរ។

ក្នុងជំនួបកិច្ចប្រជុំរបស់អង្គការយូណេស្កូ នាទីក្រុងដ៏ចំណាស់មួយនៃប្រទេសកាណាដាកន្លងទៅនេះ បានឲ្យដឹងថា ទីកន្លែងវប្បធម៌ចំនួន ១៩ និងទីកន្លែងធម្មជាតិចំនួន ៨ ត្រូវបានដាក់បញ្ចូលក្នុងបញ្ជី។

កិច្ចប្រជុំបានបញ្ជាក់ថា ចំនួនសរុបនៃទីកន្លែងបេតិកភណ្ឌពិភពលោក គិតមកដល់ពេលនេះមានចំនួន ៨៧៨ (ទីកន្លែងវប្បធម៌ ៦៧៩, ទីកន្លែងធម្មជាតិ ១៧៤ និងចម្រុះ ២៥) ស្ថិតនៅក្នុងចំណោមប្រទេសចំនួន ១៤៥។

នៅក្នុងរយៈពេលចុងក្រោយនេះ មានប្រទេសចំនួនបួនដែលទើបនឹងបានចូលក្នុងបញ្ចីជាលើកដំបូង រួមមាន ប្រទេស ប៉ាពួញូហ្គីនៀ (Papua New Guinea) សានម៉ារីណូ (San Marino) សូឌីអារ៉ាបៀ (Saudi Arabia) និងប្រទេសវ៉ាណួទូ (Vanuatu)។

ទីក្រុងនៃចក្រភពអូតូម៉ាន (Ottoman) សម័យបុរាណ ដែលស្ថិតនៅទីក្រុងប៊័រ៉ាត(Berat)បច្ចុប្បន្ន ភាគកណ្តាលប្រទេសអាល់បានី (Albania) ត្រូវបានបញ្ចូលទៅក្នុងបញ្ចីរួមគ្នាជាមួយមជ្ឈមណ្ឌលប្រវត្តិសាស្ត្រជីរ៉ូកាស្ត្រា (Gjirokastra) ដែលត្រូវបានបញ្ចូលកាលពីឆ្នាំ ២០០៥។

ក៏ត្រូវបានដាក់បញ្ចូលផងដែរនូវប្រសាទដែលកសាងឡើងកាលពីសតវត្ស ទី១៣ ដែលមានវិហារជាច្រើនក្នុងអាណាចក្រប៊ីហ្សានទីន (Byzantine) ហើយដែលត្រូវបានកសាងឡើងក្នុងសម័យកាលនៃការត្រួតត្រារបស់ទួគី ព្រមទាំងមានផ្ទះមួយចំនួនដែលត្រូវបានប្រើប្រាស់ដោយសហគមន៍សាសនាជាច្រើន ដូចជាខ្លះត្រូវបានប្រើប្រាស់ដោយសមាជិកស៊ូហ្វ៊ី (Sufi) ដែលជាបុព្វជិតនិកាយមូស្លីមមានជំនឿអរូប៉ី នៅក្នុងសតវត្សទី១៨។

គណៈកម្មាធិការបេតិកភណ្ឌក៏បានអនុម័តផងដែរនូវផ្លូវរថភ្លើងកាត់ ភ្នំក្នុងប្រទេសឥណ្ឌា ដែលគេហៅថា ផ្លូវរថភ្លើងកាល់កាស៊ីមឡា (Kalka Shimla Railway) មានប្រវែង ៩០គីឡូម៉ែត្រ ត្រូវបានកសាងឡើងក្នុងពាក់កណ្តាលសតវត្សទី១៩ ដើម្បីបម្រើសេវាទៅទីក្រុងស៊ីមឡា។

ទីកន្លែងថ្មីចំនួន ១០ ក្នុងទ្វីបអឺរ៉ុប បានបង្កើតឡើងនូវទំព័រអច្ឆរិយធម្មជាតិ និងស្ថាបត្យកម្មដ៏មានកិត្តិនាមសម្រាប់ឆ្នាំនេះ ដោយរាប់បញ្ចូលតាំងពីបាការដ្ឋានបារាំងដែលតំណាងឲ្យនិមិត្តរូបដ៏ល្អឥតខ្ចោះនៃការងាររបស់ Sebastien Le Prestre de Vauban ដែលជាវិស្មករយោធារបស់ស្តេចល្វីសទី១៤។

គេបាននិយាយថាគម្រោងរបស់ Vauban បានដើរតួនាទីយ៉ាងសំខាន់នៅក្នុងប្រវត្តិបាការដ្ឋានក្នុងទ្វីបអឺរ៉ុប ហើយល្បីល្បាញរហូតដល់ទ្វីបអាមេរិក រុស្សី និងអាស៊ីបូព៌ាផងដែរ។

ទីកន្លែងជាច្រើនទៀតនៅអាស៊ីក៏ត្រូវបានគេផ្តល់កិត្តិយសផងដែរ ដូចជាទីក្រុងពាណិជ្ចកម្មប្រវត្តិសាស្ត្រចំនួនពីរក្នុងប្រទេសម៉ាឡេស៊ី និងទីតាំងកសិកម្មពីមុនមួយកន្លែងក្នុងប្រទេសប៉ាពួញូហ្គ៊ីនៀ ជាដើម។

ប្រាសាទព្រះវិហាររបស់ប្រទេសកម្ពុជាដែលស្ថិតនៅលើកំពូលភ្នំព្រះវិហារ ជិតព្រំដែនសៀមក៏ត្រូវបានដាក់បញ្ចូលជាឯកឆ័ន្ទក្នុងបញ្ជីបេតិកភណ្ឌពិភពលោកដែរ បើទោះបីជាមានការជំទាស់ពីសំណាក់អ្នកនយោបាយ និងប្រជាជនជ្រុលនិយមសៀមយ៉ាងណាក៏ដោយ។

ភ្នាក់ងារអង្គការសហប្រជាជាតិក៏បានឲ្យឈ្មោះថាជាសម្បត្តិ បេតិកភណ្ឌមួយផងដែរចំពោះបឹង Caledonia របស់ប្រទេសស្កុតឡង់ ទំហំ ១៥០០០គីឡូម៉ែត្រក្រឡា ដែលជាកន្លែងថ្មប៉ប្រ៉ះទឹកធំជាងគេទីពីរលើពិភពលោក បន្ទាប់ពីថ្មប៉ប្រ៉ះទឹក Great Barrier របស់ប្រទេសអូស្ត្រាលី។ ឧទ្យានជាតិ Mount Sanqingshan របស់ប្រទេសចិន និងផ្ទះធ្វើពីដីឈ្មោះថា Fujian Tulou ក៏ត្រូវបានដាក់បញ្ចូលផងដែរ។

នៅមជ្ឈឹមបូព៌ាក៏មានទីកន្លែងបួនដែរត្រូវបានបញ្ចូល រួមមាន Scocotra Archipelago របស់ប្រទេសយីម៉េន (Yemen), Al-Hijr ដែលជាទីតាំងវត្ថុបុរាណរបស់ប្រទេសសូឌីអារ៉ាប៊ី ទីកន្លែងពិសិដ្ឋ Baha’i នាកំពង់ផែ Haifa និង Western Galilee របស់ប្រទេសអ៊ីស្រាអែល ព្រមទាំង Armenian Monastic Ensembles ក្នុងប្រទេសអ៊ីរ៉ង់។

សម្រាប់ទ្វីបអាហ្វ្រិក ព្រៃ Mijikenda Kaya ក្នុងប្រទេសកេនយ៉ា និងទេសភាពវប្បធម៌អរុណោទ័យ (Le Morne Cultural Landscape) នៃកោះ Mauritius ត្រូវបានគេចារិកក្នុងបញ្ជីបេតិកភណ្ឌផងដែរ។

ច្រាំងថ្មចោត Joggins Fossile Cliffs ដែលស្ថិតនៅលើឆ្នេរសមុទ្រអាត្លង់ទិករបស់ប្រទេសកាណាដា ត្រូវបានគេចាត់ទុកថាជាកន្លែងដែលល្បីល្បាញខ្លាំងបំផុតខាងការរក ឃើញផូស៊ីលទាក់ទងនឹងជីវិតនៅលើផែនដីកាលពី ៣៥៤លានឆ្នាំ ទៅ ២៩០លានឆ្នាំមុន ចំណែកឋបនីយភណ្ឌជីវដែនមេអំបៅស្តេច (Monarch Butterfly Biosphere Reserve) ប្រហែល ១០០គីឡូម៉ែត្រភាគខាងជើងទីក្រុងមិចស៊ីកូ ត្រូវបានគេចាត់ទុកថាជា “គុណតម្លៃសកលដ៏វិសេសវិសាល” ដែលមានមេអំបៅជិតមួយលានក្បាលពីកាណាដា និងសហរដ្ឋអាមេរិក ត្រឡប់មកទីនេះរៀងរាល់សរទរដូវ ហើយផ្តុំគ្នានៅពេញដើមឈើដែលធ្វើឲ្យដើមឈើក្លាយជាព័ណទឹកក្រូច។ កន្លែងទាំងពីរនេះ អង្គការយូនីស្កូក៏បានដាក់បញ្ចូលផងដែរ។

ខាងក្រោមនេះជាឈ្មោះទីកន្លែងដែលអង្គការយូណេស្កូ បានអនុម័តបញ្ចូលជាសម្បត្តិបេតិកភណ្ឌពិភពលោកក្នុងឆ្នាំ ២០០៨ នេះ ៖

New cultural sites inscribed during the 32nd session:

Preah Vihear Temple (Cambodia)
Fujian Tulou (China)
Stari Grad Plain (Croatia)
Historic Centre of Camagüey (Cuba)
Fortifications of Vauban (France)
Berlin Modernism Housing Estates (Germany)
Armenian Monastic Ensembles in Iran (Iran)
Baha’i Holy Places in Haifa and Western Galilee (Israel)
Mantua and Sabbioneta (Italy)
The Mijikenda Kaya Forests (Kenya)
Melaka and George Town, historic cities of the Straits of Malacca (Malaysia)
Protective town of San Miguel and the Sanctuary of Jesús de Nazareno de Atotonilco (Mexico)
Le Morne Cultural Landscape (Mauritius)
Kuk Early Agricultural Site (Papua New Guinea)
San Marino Historic Centre and Mount Titano (San Marino)
Archaeological Site of Al-Hijr (Madâin Sâlih) (Saudi Arabia)
The Wooden Churches of the Slovak part of Carpathian Mountain Area (Slovakia)
Rhaetian Railway in the Albula / Bernina Cultural Landscape (Switzerland and Italy)
Chief Roi Mata’s Domain (Vanuatu)

Natural properties inscribed on UNESCO’s World Heritage List during the 32nd session:

Joggins Fossil Cliffs (Canada)
Mount Sanqingshan National Park (China)
Lagoons of New Caledonia: Reef Diversity and Associated Ecosystems (France)
Surtsey (Iceland)
Saryarka - Steppe and Lakes of Northern Kazakhstan (Kazakhstan)
Monarch Butterfly biosphere Reserve (Mexico)
Swiss Tectonic Arena Sardona (Switzerland)
Socotra Archipelago (Yemen)

Extensions added onto properties already on the World Heritage List:

Historic centres of Berat and Gjirokastra (Albania)
Mountain Railways of India
Paleolithic Cave Art of Northern Spain
The Antonine Wall (United Kingdom)

ឯកសារយោង ៖
www.unesco.org
www.canada.com

Picture of the Month

coollove — Wed, 02 Jul 2008 10:00:09 +0000

ក្មេងៗកំពុងលោតដាំដូង និងប្រឡែងគ្នាលេងក្នុងទឹកប្រឡាយមួយក្នុងខែត្រតាកែវ បន្ទាប់ពីពួកគេច្រូតស្មៅគោរួចហើយ។
Cambodian children are diving and playing in a small channel in Takeo province of Cambodia.

Rap Video to Fight Rising Gas Price

coollove — Thu, 26 Jun 2008 11:17:10 +0000

Just see it on youtube website, and I feel that I like it, so I just copy and paste it in here. It’s the wonderful rap song, I think. Enjoy it!!!

Lyric:

We used to only roll with the 91/
High Octane in the blazing sun/
Now it cost so much/
That we can’t buy lunch/
So we gon’ have to ride with the eighty-sevuhn/

It’s highway robbery at the gas station/
Three bucks a gallon—financial castration/
(Yo) you don’t need spinners to pimp your ride/
All you got to do is have fuel inside/

(Ch-check it) Barrel of Monkeys, Barrel of Laughs/
I’ll trade my Cracker Barrel for a Barrel of Gas/
You gotta be Bill Gates just to pay with cash/
Cuz’ it takes ten dolla’ just to fill this glass/

When you’re buying hydrocarbons, hide yo carbons/
I had to pawn dem thangs jutta pay the charges/
I got a second mortgage; I sold this organ/
I gotta run my truck on Captain Morgan/

Yo, we gettin’ humped
Gouged at the pump
The CEO of Amoco is drilling on my rump

We used to only roll with the 91
High Octane in the blazing sun
Now it cost so much
That we can’t buy lunch
So we gon’ have to ride with the eighty-sevuhn

Do the gas can shuffle!

Spank ya tank/ and turn the key / Pop ya trunk / and touch your knee

Now trash your cash / and shake your feet / replace the nozz’ / press ‘no receipt’

I love Halle Berry; not Halliburton
This ‘ish ain’t workin; my pockets is hurtin/
Walk to work everyday with Dr. Scholl’s/
I ride HOV more than Beyonce Knowles/
My thesis is, we need more Priuses/
Gotta fight off the gas price increaseses.

The standard’s gotta change in the oil game/
But not the climate; keep that the same/
I used to only roll with high-grade silver’/
It’s just one more buck for them to pilfer/

Vitamins comestible, energies renewabo’/
straight solar and Flintstones chewabo’s/
carpool with my cousin; we drivin’ for real/
Load ‘em up, roll out (echo): in tha Pow-Pow-Power Wheel/

Yo, We gettin’ humped
Gouged at the pump
The CEO of Amoco is drilling on my rump

We used to only roll with the 91
High Octane in the blazing sun
Now it cost so much
That we can’t buy lunch
So we gon’ have to ride with the eighty-sevuhn

សប្បុរសជនជួយគាំទ្រការបង្រៀនអក្សរសាស្ត្រខ្មែរនៅសុរិន្ទ

coollove — Tue, 17 Jun 2008 01:45:46 +0000

(If you cannot read this article, please click here or install Khmer Unicode)

រាជធានីភ្នំពេញ : ក្នុងដំណើរទស្សនកិច្ចផ្ទាល់ខ្លួនមួយមកកាន់ខែត្របាត់ដំបង និងរាជធានីភ្នំពេញ ដើម្បីផ្សព្វផ្សាយ និងស្វះស្វែងរកការគាំទ្រពីប្រជាពលរដ្ឋខ្មែរដែលស្រឡាញ់ការអភិរក្សអក្សរសាស្ត្រខ្មែរនៅខែត្រសុរិន្ទ ប្រទេសថៃ (ដែលខែត្រមួយនេះក្នុងចំណោមខែត្រជាច្រើនទៀតជាទឹកដីរបស់ខ្មែរកាលពីអតីតកាល) លោក ជ័យមង្គល បានជួបសំណេះសំណាលជាមួយបងប្អូនខ្មែរជាច្រើនក្រុម និងបានបង្ហាញអំពីកិច្ចការ និងគោលបំណងរបស់លោក។

ដោយឡែកក្នុងជំនួបជាមួយតំណាងសប្បុរសជនមួយក្រុមនៅរាជធានីភ្នំពេញ កាលពីរសៀលថ្ងៃទី១៦ ខែមិថុនា ឆ្នាំ២០០៨ នេះ លោក ជ័យមង្គល បានសម្តែងនូវទឹកចិត្តសប្បាយរីករាយដែលបានជួបសំណេះសំណាលជាមួយបងប្អូនខ្មែរ និងបានទទួលការគាំទ្រដោយទឹកចិត្ត ថវិកា និងសម្ភារ ក្នុងនាមជាខ្មែរដូចគ្នាទោះតិចក្តីច្រើនក្តី។

លោកបញ្ជាក់ថាមូលហេតុដែលជំរុញលោកឲ្យមានគំនិតបង្រៀនភាសាខ្មែរនេះ ដោយសារលោកមានទឹកចិត្តជាខ្មែរ ស្រឡាញ់អក្សរសាស្ត្រខ្មែរ។ លោកបន្ថែមថា តាមការស្រាវជ្រាវមួយបានប៉ាន់ប្រមាណថានៅសុរិន្ទមានប្រជាពលរដ្ឋដើមកំណើតខ្មែរប្រមាណ ៦០% (ប្រហែលជាង ៧សែននាក់) ប៉ុន្តែក្នុងចំណោមនេះមានមនុស្សប្រមាណ ១% ប៉ុណ្ណោះដែលចេះអាន និងនិយាយខ្មែរ។ លោកបានសួរខ្លួនឯងថាមនុស្សគ្រប់គ្នាសុទ្ធតែមានដើមកំណើតជាខ្មែរ ហេតុអ្វីបានជាមិនមានសាលាភាសាខ្មែរ ហើយហេតុអ្វីបានជាមានមនុស្សតិចម្ល៉េះដែលនិយាយភាសាខ្មែរ។ ដូច្នេះលោកត្រូវទទួលយកកិច្ចការដ៏លំបាកមួយនេះ ក្នុងពេលដែលលោកមិនទាំងដឹងច្បាស់ថាត្រូវចាប់ផ្តើមពីត្រឹមណាឲ្យប្រាកដក៏ដោយ។ មានមនុស្សមួយចំនួននិយាយថាវាហួសពេល ឬមិនអាចទៅរួចទេក្នុងការធ្វើកិច្ចការនេះ ប៉ុន្តែលោកបញ្ជាក់ទៅវិញថាដោយសារតែគំនិតនេះហើយទើបខ្មែរមិនចេះភាសាខ្មែរខ្លួនឯង ហើយបើមិនអាចទៅរួចក៏លោកត្រូវតែធ្វើដែរ ដើម្បីបញ្ជាក់ថាលោកបានខំអស់ពីសមត្ថភាពលោកហើយ ប្រៀបដូចជាអ្នកប្រដាល់ដូច្នោះដែរ។ ទោះជាយ៉ាងណាក៏លោកនៅតែមានក្តីសង្ឃឹមជានិច្ច។

ឆ្លៀតឱកាសនោះផងដែរ លោកជ័យមង្គលសូមអំពាវនាវដល់សប្បុរសជនទាំងអស់ ជាពិសេសប្រជាពលរដ្ឋខ្មែរគ្រប់ស្រទាប់វណ្ណៈ មេត្តាជួយគាំទ្រលោក ដើម្បីលោកអាចបន្តសាបព្រោះភាសាខ្មែរយើងនៅលើទឹកដីដែលសម្បូរដោយជនជាតិដើមខ្មែរ។ នេះមិនមែនជារឿងនយោបាយ ឬការបង្កើតក្រុមអ្វីមួយ ឬគាស់រំលើងប្រវត្តិសាស្ត្រ ឬយើងចង់ប្រឆាំងប្រទេសណាមួយនោះទេ តែជាការជួយគ្នាក្នុងនាមជនដែលមានឈាមជ័រដូចគ្នា យ៉ាងហោចណាស់ក៏យើងអាចធ្វើទំនាក់ទំនងរវាងគ្នានិងគ្នាបានស្រួលដែរ។

ជាចុងក្រោយ លោកបានសំដែងនូវអំណរគុណចំពោះសមានចិត្តសប្បុរសជនដែលបានបរិច្ចាកប្រាក់កាស និងសម្ភារសិក្សាដ៏មានតម្លែដែលផុសចេញពីទឹកចិត្តដ៏បរិសុទ្ធសម្រាប់លោក។

ចំណែកតំណាងសប្បុរសជនក៏បានសម្តែងនូវទឹកចិត្តរាប់អាន និងក្តីរីករាយចំពោះជំនួបនេះផងដែរ និងបានសន្យាបន្តស្វែងរកថវិកាតាមលទ្ធភាព ដើម្បីរួមចំណែកលើកតម្កើងអក្សរសាស្ត្រខ្មែរនៅលើដែនដីដែលសម្បូរដោយជនអម្បូរខ្មែរ។

តំណាងសប្បុរសជនខ្មែរបានបរិច្ចាគថវិកា និងសម្ភារមួយចំនួនដែលប្រមូលបាន សរុបចំនួន ២៥២ដុល្លាសហរដ្ឋអាមេរិក និងសៀវភៅអានចំនួន ២៩ក្បាល (សៀវភៅសន្ទនាអង់គ្លេស-ខ្មែរ-បារាំង ចំនួន ៥ក្បាល និងសៀវភៅអានសម្រាប់ក្មេងៗចំនួន ២២ក្បាល) និងខ្មៅដៃចំនួន ៣០ដើម។

សូមបញ្ជាក់ថា លោក ជ័យមង្គលគឺជាស្ថានិកនៃការបង្រៀនភាសាខ្មែរនៅសុរិន្ទ ចាប់តាំងពីខែវិច្ឆិកា ឆ្នាំ២០០៦មក ដែលរហូតមកដល់ពេលនេះ លោកបានបើកថ្នាក់បង្រៀនភាសាខ្មែរបានចំនួន ៦កន្លែង ដែលមានសិស្សសរុបចំនួន ១៨៤នាក់។ លោកបានកើតនៅស្រុកកោះខាន់ក្នុងខេត្តស្រ៊ីសាកេតដែលជាខេត្តមួយជាប់នឹងខេត្តសុរិន្ទដែរ។ លោកធំដឹងក្តីនៅក្នុងគ្រួសារដែលនិយាយភាសាខ្មែរ ប៉ុន្តែមានតែលោកមួយប៉ុណ្ណោះដែលរក្សាការនិយាយភាសាខ្មែររហូតមកដល់បច្ចុប្បន្ននេះ។ លោកធ្លាប់មកសិក្សានៅសាកលវិទ្យាល័យភូមិន្ទភ្នំពេញកាលពីឆ្នាំ ១៩៩៦-១៩៩៧។

គួរបញ្ជាក់ផងដែរថា សុរិន្ទ និងសហគមន៍ផ្នែកខាងជើងភ្នំដងរែក ត្រូវបានគេស្គាល់ថាសម្បូរដោយជនជាតិខ្មែរ និងជាអតីតដែនដីរបស់ខ្មែរ ដែលគេតែងហៅថា “ខ្មែរសុរិន្ទខ្នងភ្នំ”។ មានទីកន្លែង ឬភូមិស្រុកមួយចំនួននៅរក្សាឈ្មោះដើមជាខ្មែរដដែល គ្រាន់តែសរសេរជាភាសាថៃ ដូចជា ភូមិថ្ងៃត្រង់ ជាដើម។

Click here to see the list of contributors

លោក ជ័យមង្គល (រូបកណ្តាល) និងសប្បុរសជន

ជំនួបរវាងលោកជ័យមង្គល និងសប្បុរសជន

ទិវារំឭកខួបអនុស្សាវរីយ៍ប្រាសាទព្រះវិហារត្រូវបានរៀបចំឡើងជាលើកដំបូងនៅកម្ពុជា

coollove — Sun, 15 Jun 2008 06:40:49 +0000

រាជធានីភ្នំពេញ : អង្គការសមាគមចំនួនប្រាំបួន ដែលរួមមាន អង្គការមូលនិធិទ្រទ្រង់អរិយធម៌ខ្មែរ ក្រុមអ្នកច្បាប់ការពារសិទ្ធិកម្ពុជា សមាគមមិត្តវិចិត្រករខ្មែរ សមាគមសិល្បៈករខ្មែរ សមាគមគ្រឹះស្ថានឧត្តមសិក្សាកម្ពុជា សមាគមសិក្សាផ្នែកប្រវត្តិវិទ្យាសិលាចារិក សមាគមកម្ពុជាអភិវឌ្ឍន៍សេដ្ឋកិច្ចក្រៅប្រព័ន្ធ សមាគមទីភ្នាក់ងារទេសចរណ៍កម្ពុជា និងសារព័ត៌មានដើមអម្ពិល កាលពីថ្ងៃអាទិត្យ ទី១៥ ខែមិថុនា ឆ្នាំ២០០៨ នៅបរិវេនសួនច្បារសាធារណៈទល់មុខវត្តបុទុមវត្តី បានប្រារព្ធពិធីអបអរសាទរជាប្រវត្តិសាស្ត្រដំបូងបង្អស់នៅកម្ពុជា ដើម្បីរំឭក ខួបអនុស្សាររីយ៍ឆ្នាំទី៤៦ នៃថ្ងៃដែលតុលាការអន្តរជាតិទីក្រុងឡាអេបានប្រកាសសាលក្រមទទួលស្គាល់ និងប្រគល់ “ប្រាសាទព្រះវិហារ” ជាទីសក្ការៈ មកឲ្យកម្ពុជាវិញ កាលពីថ្ងៃទី១៥ ខែមិថុនា ឆ្នាំ១៩៦២។

ពិធីនេះ មានការចូលរួមពីព្រះសង្ឃ បុគ្គលិកអង្គការសង្គមស៊ីវិល ប្រជាពលរដ្ឋ អ្នកសិល្បៈ ភ្នាក់ងារសារព័ត៌មានជាតិនិងអន្តរជាតិជាច្រើន ព្រមទាំងមានការផ្សាយបន្តផ្ទាល់តាមកញ្ចក់ទូរទស្សន៍ CTN ទៀតផង។

សន្តរកថាជាច្រើននៅក្នុងពិធីនេះ បានផ្តោតលើប្រវត្តិប្រាសាទព្រះវិហារ ការរំលោភកាន់កាប់ប្រាសាទដោយប្រទេសសៀមកាលពីអតីតកាល ព្រះរាជបូជនីយកិច្ចរបស់សម្តេចព្រះបាទ នរោត្តម សីហនុ ក្នុងការទាមទារពប្រាសាទព្រះវិហារ ការកាត់ក្តីរបស់តុលាការអន្តរជាតិទីក្រុងឡាអេដែលសម្រេចប្រគល់ប្រាសាទនេះមកឲ្យខ្មែរវិញ ទិសដៅអភិវឌ្ឍន៍តំបន់ទេសចរណ៍ទៅកាន់ប្រាសាទព្រះវិហារ និងការជំរុញគាំទ្រការដាក់ប្រាសាទព្រះវិហារចូលជាសម្បត្តិបេតិកភ័ណ្ឌពិភពលោក។

ក្រៅពីនេះក៏មានការសំដែង និងច្រៀងចម្រៀងដែលទាក់ទងនឹងប្រាសាទព្រះវិហារដោយក្រុមសិល្បៈករខ្មែរល្បីៗជាច្រើនរូប។

សម្រាប់ពិធីនេះ ក៏មានការជួយឧបត្ថម្ភគាំទ្រពីសំណាក់ប្រជាពលរដ្ឋ និងឥស្សរជនជាន់ខ្ពស់ខ្មែរ ដូចជាព្រះករុណាសម្តេចព្រះបរមនាថ នរោត្តម សីហមុនី ព្រះអង្គទ្រង់បានផ្ញើជូនព្រះសារលិខិតគាំទ្រចំពោះការបង្កើតព្រឹត្តិការណ៍នេះ សម្តេចនាយករដ្ឋមន្ត្រីខ្មែរ លោក ហ៊ុន សែន ក៏បានឧបត្ថម្ភជាថវិកាផ្ទាល់ខ្លួនចំនួន ១០.០០០ដុល្លាសហរដ្ឋអាមេរិក ហើយឯកឧត្តម កែប ជុតិមា ក៏បានបរិច្ចាកប្រាក់ចំនួន ៥.០០០ដុល្លាសហរដ្ឋអាមេរិកផងដែរ ព្រមទាំងការបរិច្ចាកពីសប្បុរសជនជាច្រើនទៀត។

ខាងក្រោមជារូបភាពជាច្រើនអំពីពិធីនេះ

Picture of the Month

coollove — Thu, 12 Jun 2008 05:16:08 +0000

This is just my creation… (^_^)

Government and NGOs Organized Child Day

coollove — Tue, 03 Jun 2008 10:02:33 +0000

ថ្ងៃទី០៣ ខែមិថុនា ឆ្នាំ២០០៨ នៅលើសួនច្បារសម្តេច ហ៊ុន សែន ខាងមុខកាស៊ីណូណាហ្គាដែលលេចធ្លោរបាំងបាត់អគារក្រសួងការបរទេស និងសហប្រតិបត្តិការអន្តរជាតិ អគាររដ្ឋសភា និងអគារពុទ្ធសាសនបណ្ឌិតនោះ មានការប្រារព្ធខួបអនុស្សាវរីយ៍លើកទី៥៩ ទិវាកុមារអន្តរជាតិ១មិថុនា ក្រោមប្រធានបទ “ការថែទាំសុខភាពទារក និងកុមារ គឺជាការអភិវឌ្ឍន៍” និងខួបទី៧ ទិវាពិភពលោកប្រឆាំងពលកម្មកុមារ១២មិថុនា ក្រោមប្រធានបទ “ការអប់រំគឺជាដំណោះស្រាយដ៏សមស្របចំពោះពលកម្មកុមារ”។

ទិវានេះរៀបចំដោយក្រសួងសង្គមកិច្ច អតីតយុទ្ធជន និងយុវនីតិសម្បទា ក្រសួងអប់រំ យុវជន និងកីឡា និងអង្គការសង្គមស៊ីវិលជាច្រើនដែលធ្វើការជាមួយកុមារ ដោយមានការចូលរួមជាកិត្តិយសពីសំណាក់ ឯកឧត្តម សុខ អាន និងលោកជំទាវ ជាគណៈអធិបតី។

សន្តរកថាជាច្រើនត្រូវបានថ្លែងនៅក្នុងពិធីនោះដោយផ្តោតជាសំខាន់អំពីការទប់ស្កាត់ពលកម្មកុមារ និងអំពើហិង្សាលើកុមារ និងការជំរុញការសិក្សាអប់រំដល់កុមារ។

ប៉ុន្តែអ្វីដែលជាការកត់សម្គាល់នាទិវានោះ គឺមានកុមាររើសសម្រាមប្រមាណ៦ឬ៧នាក់មករើសសំបកដបទឹកសុទ្ធ និងកម្ទេចកម្ទីរដែលគេបោះចោលនៅទីនោះ ក្នុងខណៈពេលដែលកុមារជាច្រើនរយនាក់កំពុងស្រែកហ៊ោរសប្បាយរីករាយ លែងល្បែងកំសាន្ត ច្រៀងរាំ សម្តែងសិល្បៈ។ កុមារទាំងនេះត្រូវបានគេមើលរំលង និងមិនត្រូវបានគេយកចិត្តទុកដាក់។ តើមានកុមារប៉ុន្មាននាក់ទៀតដែលកំពុងប្រកបរបរបែបនេះដើម្បីចិញ្ចឹមជិវិត និងគ្រួសារ ?

គោលនយោបាយកាត់បន្ថយភាពក្រីក្ររបស់រដ្ឋាភិបាលហាក់ដូចជាមានការអនុវត្តយឺតយ៉ាវណាស់សម្រាប់លើកតម្កើងជីវភាពរបស់ប្រជាពលរដ្ឋឲ្យមានភាពប្រសើរឡើងដែលអាចឲ្យឪពុកម្តាយបញ្ជូនកូនទៅសាលាបានគ្រប់គ្នា។

ក្រុមកុមារសម្តែងរបាំខាងមុខវេទិកាគណៈអធិបតី

កុមារក្រីក្រកំពុងរើសសម្បកទឹកសុទ្ធ និងសំណល់ដែលគេបោះចោល

ក្រុមកាយឫទ្ធិត្រៀមប្រគល់ប៉ោងប៉ោងដល់គណៈអធិបតីដើម្បីបង្ហោះអបអរសាទរ

កុមារក្រីក្រកំពុងរើសសម្បកទឹកសុទ្ធ និងសំណល់ដែលគេបោះចោល

HELLO Point (TM Company) Works too Slow

coollove — Tue, 20 May 2008 07:28:04 +0000

ថ្ងៃនេះ ខ្ញុំបានទៅបើកលេខទូរស័ព្ទថ្មីមួយនៅ HELLO Point ដែលជាការិយាល័យមួយសម្រាប់ជួយសម្រួលដល់អតិថិជនរបស់ក្រុមហ៊ុនទូរស័ព្ទហេឡូ ០១៥-០១៦។ ការិយាល័យនេះស្ថិតនៅក្នុងបរិវេណភ្នំពេញសិនធ័រ ដែលនៅមិនឆ្ងាយប៉ុន្មានពីវិមាន្យឯករាជ្យ។

ខ្ញុំបានរង់ចាំលេខរៀងអស់រយៈពេលជាងមួយម៉ោង ហើយជាលទ្ធផលខ្ញុំមិនបានអ្វីទាំងអស់។ អ្វីដែលជាការកត់សម្គាល់របស់ខ្ញុំគឺថា បុគ្គលិកភាគច្រើនពេលថ្ងៃត្រង់ហាក់មិនសូវជាយកចិត្តទុកដាក់លើការងារទាល់តែសោះ។ នារីៗជជែកគ្នាលេងសើចសប្បាយហាក់មិនខ្វល់ពីការរង់ចាំរបស់ភ្ញៀវឡើយ។ វាខុសពីពេលដែលការិយាល័យនេះបើកដំបូង ខ្ញុំបានទៅទីនោះម្តងដែរ ហើយបុគ្គលិកពេលនោះរួសរាយរាក់ទាក់សម្បើមណាស់ ហើយដែលវាផ្ទុយពីពេលនេះ១៨០ដឺគ្រេ។

នេះមិនមែនមានតែខ្ញុំទេដែលយល់ថាកន្លែងនេះធ្វើការយឺត សូម្បីតែអ្នកអង្គុយរង់ចាំមួយចំនួនទៀតក៏រអ៊ូអំពីការយឺតយ៉ាវនេះដែរ។ ខ្ញុំមិនដឹងថាតើពេលថ្ងៃត្រង់ដូច្នេះ (ម៉ោង ១២ កន្លះ ដល់ម៉ោង ១៤) ជាពេលបុគ្គលិកសម្រាកឫយ៉ាងណា ទើបគេនាំគ្នានិយាយគ្នាលេង ហើយមិនខ្វល់ពីការរង់ចាំរបស់អតិថិជនដូច្នេះ។

និយាយឲ្យចំទៅ ខ្ញុំមានការមួរម៉ៅដែរដែលទៅអង្គុយរង់ចាំហាក់ដូចជាទៅសុំទានគេយ៉ាងយូរបែបនេះ។

បើសិនជាអ្នកគ្រប់គ្រងក្រុមហ៊ុនបានអាន ឫបានដឹងអំពីព័ត៌មាននេះ គួរតែចាត់ចែងរៀបរយបុគ្គលិកផង។

ដោយបំណងល្អពីអតិថិជនក្រុមហ៊ុន TM។

“Golden Bones”, The Story on an U.S. Ambassador who was born in Cambodia

coollove — Tue, 20 May 2008 03:31:19 +0000

Sichan Siv, former US ambassador to the United Nations, is the only official in the US government who was born in Cambodia, and he has held a high ranking position at the White House, in the office of the 41st US president.

He has just released a memoir, “Golden Bones,” the tale of an extraordinary journey from the hell of Cambodia to a new American life. The book, written in English, is being published by a major New York house and is scheduled to be in bookstores in the US in July, and Sichan Siv gave a talk on it at the White House in Washington last week.

“I was at the White House last week to listen to Ambassador Sichan Siv about his new upcoming book ‘Golden Bones,’” Reaksmey Norin, a Cambodian woman, told VOA Khmer. “It make me so proud to be a Cambodian.”

She called him a “role model,” but others see him as golden.

The book’s title comes from the Cambodian adage for someone born very lucky, or who is blessed. Cambodians from the village of Sichan Siv’s father, who know the former ambassador was able to escape the Khmer Rouge and find a life abroad, call him “the man with the golden bones.”

Sichan Siv was working for the CARE organization in Phnom Penh when the country fell to the communists. He escaped in 1976, knowing he was in trouble because of his past.

“I hard worked for the Cambodian airlines and for the US, I had studied at a university, and I wore glasses,” he told VOA Khmer. “So I fled to Thailand.”

On his journey, he remembered the advice of his mother, who told him, “never give up hope.”

“Hope kept me alive for a year under the Khmer Rouge, and I did everything the best way I could,” he said. “It was my mother’s wisdom that helped me move on. The dream of yesterday is the hope of today and the reality of tomorrow.”

Sichan Siv arrived in the US in 1976 and began a new life, picking apples at first in the state of Connecticut and driving a taxi in New York.

By 1989, he was the deputy assistant to the US president, George H.W. Bush, and in 2001 he was appointed by President George W. Bush as a delegate to the UN Commission on Human Rights.

What happened in between is a very good story.

Source: VoA Radio

បទ​ចម្រៀង “ពង្សាវតាខ្មែរ” ទទួល​បាន​ការ​ចាប់​អារម្មណ៍​ឡើង​វិញ

UNESCO បាន​ដាក់​បញ្ចូល​ទីកន្លែង​ថ្មី​ចំនួន​២៧​ក្នុង​បញ្ជី​បេតិកភណ្ឌ​ពិភពលោក

Picture of the Month

Rap Video to Fight Rising Gas Price

សប្បុរសជន​ជួយ​គាំទ្រ​ការ​បង្រៀន​អក្សរសាស្ត្រ​ខ្មែរ​នៅ​សុរិន្ទ

ទិវា​រំឭក​ខួប​អនុស្សាវរីយ៍​ប្រាសាទ​ព្រះ​វិហារ​ត្រូវ​បាន​រៀប​ចំ​ឡើង​ជា​លើក​ដំបូង​នៅ​កម្ពុជា

Picture of the Month

Government and NGOs Organized Child Day

HELLO Point (TM Company) Works too Slow

“Golden Bones”, The Story on an U.S. Ambassador who was born in Cambodia

បទចម្រៀង “ពង្សាវតាខ្មែរ” ទទួលបានការចាប់អារម្មណ៍ឡើងវិញ

UNESCO បានដាក់បញ្ចូលទីកន្លែងថ្មីចំនួន២៧ក្នុងបញ្ជីបេតិកភណ្ឌពិភពលោក

សប្បុរសជនជួយគាំទ្រការបង្រៀនអក្សរសាស្ត្រខ្មែរនៅសុរិន្ទ

ទិវារំឭកខួបអនុស្សាវរីយ៍ប្រាសាទព្រះវិហារត្រូវបានរៀបចំឡើងជាលើកដំបូងនៅកម្ពុជា