RSS

បង្គន់​សាធារណៈ


នេះ​បាន​ចំ​ជា​បង្គន់​សាធារណៈ​ពិត​ប្រាកដ។ បើ​មាន​ជញ្ជាំង គេ​មិន​ហៅ​ថា​បង្គន់​សាធារណៈ​ទេ។ (រូប​ភាព​ ៖ រម្មណីយដ្ឋាន​ព្រៃ​កោង​កាង ពាម​ក្រសោប ខេត្ត​កោះកុង)

 
2 Comments

Posted by on May 22, 2011 in Funny Pictures

 

Tags: , , , ,

រូបភាព​ផែនដី​យ៉ាង​ស្រស់​ស្អាត​​ចេញ​ផ្សាយ​ដោយ​ណាសា

ទី​ភ្នាក់ងារ​ណាសា​បាន​ចេញ​ផ្សាយ​នូវ​រូបភាព​ផែន​ដី​​យ៉ាង​ស្រស់​ស្អាត និង​គួរ​ឲ្យ​ភ្ញាក់​ផ្អើល​បំផុត ដើម្បី​អប​អរ​ទិវា​ផែនដី។

ទាំង​នេះ​ជា​រូបភាព​មួយ​ចំនួន ដែល​ភ្នាក់​ងារ​ណាសា​បាន​ចេញ​ផ្សាយ។

រូបភាព​ដ៏​អស្ចារ្យ​នេះ​ត្រូវ​បាន​ថត​ពី​ស្ថានីយ៍​អវកាស​អន្តរជាតិ​នៅ​ថ្ងៃទី ១៧ មេសា ២០១០។

នៅ​ថ្ងៃ​ទី ១២ មិថុនា ២០០៩ ស្ថានីយ៍​អវកាស​អន្តរជាតិ បាន​ហោះ​ពី​លើ​ភ្នំ​ភ្លើង Sarychev នៃ​កោះ​គូរីល​របស់​រុស្ស៊ី ដែល​ទើប​តែ​​ចាប់​ផ្ដើម​ផ្ទុះ​ឡើង។

រូបភាព​ដែល​គួរ​ឲ្យ​ភ្ញាក់​ផ្អើល​មួយ​នេះ​បង្ហាញ​​អំពី​​ដី​សណ្ដរ Lena នៅ​ក្នុង​តំបន់​ស៊ីបេរី។ ទន្លេ Lena មាន​ប្រវែង​ប្រហែល ២៨០០​ម៉ាយល៍ ហូរ​ចូល​ទៅ​ក្នុង​មហាសមុទ្រ​អាកទិក។

រូបភាព​នេះ​គឺ​ជា​ដុំ​ពពក​កក​ដែល​មិន​គួរ​ឲ្យ​ជឿ​ នៅ​ចំ​ពី​លើ​ទ្វីប​អាហ្រិក។

រូប​ភាព​នេះ​ត្រូវ​បាន​ថត​កាល​ពី​ថ្ងៃ​ទី ២៩ មីនា ២០១១ ខណៈ​ប្រតិបត្តិការ​ស្ពាន​ទឹក​កក​ហោះ​នៅ​ក្បែរ​ជ្រលង​ជ្រោះ និង​ផែន​ទឹក​កក នៅ​ខាង​ត្បូង​ឈៀង​ខាង​លិច​ប្រទេស Greenland។

ថ្ងៃ​ទី ៣០ សីហា ២០១០ រូប​ភាព​ខ្យល់​ព្យុះ Hurricane Earl នៅ​ប្រទេស Puerto Rico ខាង​ត្បូង​ភាគ​ខាង​កើត ដែល​ខ្យល់​​មាន​​ល្បឿន ១៣៥ ម៉ាយល៍​ក្នុង​មួយ​ម៉ោង។

រូបភាព​នេះ​ថត​នៅ​ពេល​រាត្រី បង្ហាញ​អំពី​ប្រជាជន​អេហ្ស៊ីប​ធ្វើ​ការ​ប្រមូល​ផ្ដុំ​គ្នា​នៅ​តំបន់​ដី​សណ្ដរ​ទន្លេ​នីល។ រូបភាព​នេះ​ថត​ពី​ស្ថានីយ៍​អវកាស​អន្តរជាតិ។

នេះ​ជា​ផែន​ទឹកកក​ក្នុង​តំបន់ Susitna នៃ​រដ្ឋ​ Alaska បង្ហាញ​អំពី​ទម្រង់​ផែន​ទឹកកក​ដែល​ហូរ​ចុះ​ពី​លើ​ភ្នំ។

រូបភាព​ដ៏​ស្រស់​ស្អាត​នេះ​គឺ​ជា​បឹង​ Nasser នៅប្រទេស​​អេហ្ស៊ីប ថត​ពី​ស្ថានីយ៍​អវកាស​អន្តរជាតិ នៅ​ខែ​មករា ឆ្នាំ ២០០៥។

នេះ​ជា​រូបភាព​ខ្យល់​ព្យុះ Hurricane Katrina នា​ថ្ងៃ​ទី ២៩ ខែ​សីហា ឆ្នាំ ២០០៥នៅ​ខណៈ​ពេល​ដែល​វា​បក់​ផ្ទប់​ឆ្នេរ​សមុទ្រ​នៃ​សហរដ្ឋ​អាមេរិក។

ដក​ស្រង់ និង​បក​ប្រែ​ពី ៖ news.cnet.com

 
5 Comments

Posted by on April 24, 2011 in Science

 

Tags: , , , , , ,

Happy Khmer New Year

 
1 Comment

Posted by on April 14, 2011 in Social Events

 

Tags: , , ,

ប្រវត្តិនៃពាក្យ ស៊ូណាមិ (Tsunami)

ពាក្យ “ស៊ូណាមិ” គឺ​ជា​ពាក្យ​ភាសា​ជប៉ុន​តាំង​ពី​ដើម​មក ប៉ុន្តែ​ថ្ងៃ​នេះ​វា​ត្រូវ​បាន​ប្រើ​ប្រាស់​ជា​ទូ​ទៅ​ក្នុង​ភាសា​អង់​គ្លេស។ ពាក្យ​នេះ​មាន​នៅ​គ្រប់​លើ​សារព័ត៌មាន​ទាំង​អស់​ចាប់​តាំង​ពី​មាន​ការ​រញ្ជួយ​ដី​ដ៏​ខ្លាំង​សំបើម​មួយ​ដែល​បាន​បញ្ជូន​ផ្ទាំង​ទឹក​ទៅ​ផ្ទប់​ភាគ​ខាង​ជើង​ឈៀង​ខាង​កើត​ប្រទេស​ជប៉ុន​កាល​ពី​ថ្ងៃ​ទី ១១ ខែ​មីនា​កន្លង​ទៅ​នេះ។

អ្នក​ភាសា​វិទូ លោក Ben Zimmer នៃក្រុម​ Visual Thesaurus និយាយ​ថា ការ​ប្រើ​ប្រាស់​ពាក្យ​នេះ​ជា​ភាសា​អង់គ្លេស​លើក​ដំបូង បាន​កើត​ឡើង​ជាង ១០០ ឆ្នាំ​កន្លង​មក​ហើយ។ កាល​នោះ​មាន​ការ​រញ្ជួយ​ដី​មួយ​បាន​កើត​ឡើង​នៅ​ឆ្នេរ​ភាគ​ខាង​កើត​ប្រទេស​ជប៉ុន ដែល​ស្ថិត​នៅ​យ៉ាង​ជិត​ពី​កន្លែង​ដែល​រលក​ស៊ូណាមិ​បាន​បោក​បក់​កាល​ពី​ពេល​ថ្មីៗ​នេះ។

លោក Zimmer និយាយ​ថា “មាន​សេចក្ដី​រាយការណ៍​នៅ​ក្នុង​ទស្សនា​វដ្ដីភូមិសាស្ត្រ​ជាតិ (National Geographic Magazine) ថា នៅ​ល្ងាច​ថ្ងៃទី ១៥ ខែ​មិថុនា ឆ្នាំ ១៨៩៦ ឆ្នេរ​ភាគ​ខាង​ជើង​ឈៀង​ខាង​កើត​នៃ​កោះ​ហុនដុ (Hondo) ដែល​ជា​កោះ​ធំ​មួយ​របស់​ប្រទេស​ជប៉ុន ត្រូវ​បាន​បោក​បក់​ដោយ​រលក​ដែល​បណ្ដាល​មក​ពី​ការ​រញ្ជួយ​ដី​យ៉ាង​ធំ​មួយ ហើយ​បន្ទាប់​មក សេចក្ដី​រាយការណ៍​នោះ​បាន​ពន្យល់​ថា ពាក្យ​ជា​ភាសា​ជប៉ុន​សម្រាប់​ព្រឹត្តិការណ៍​នោះ គឺ​ពាក្យ ស៊ូណាមិ”។

ចាប់​តាំង​ពី​ការ​និយាយ​ជាលើក​ដំបូង​នោះ​មក ពាក្យ​នេះ​ត្រូវ​បាន​ប្រើ​ប្រាស់​កាន់​តែ​ទូលំ​ទូលាយ ជា​ពិសេស​បន្ទាប់​ពី​គ្រោះ​មហន្តរាយ​ដែល​បាន​បំផ្លិច​បំផ្លាញ​ប្រទេស​ឥណ្ឌូនេស៊ី​ក្នុង​ឆ្នាំ ២០០៤។

ដក​ស្រង់ និង​បក​ប្រែ​ពី http://www.npr.org

 

 
Leave a comment

Posted by on March 18, 2011 in Science, Social Events

 

Tags: , , ,

Happy New Year 2011

 
Leave a comment

Posted by on December 31, 2010 in Social Events

 

Tags:

ទី​ភ្នាក់ងារ​ណាសា​នឹង​បង្ហោះ​យាន​អង្កេត​មួយ​ចូល​ទៅ​ក្នុង​បរិយាកាស​ព្រះ​អាទិត្យ


មានរឿងជាច្រើន​ដែល​យើង​មិន​យល់​អំពី​ព្រះ​អាទិត្យ។ តាមពិត ផ្នែក​ភាគ​ច្រើន​បំផុត យើង​អាច​ត្រឹម​តែ​ទស្សន៍​ទាយ​ប៉ុណ្ណោះ ទោះ​បី​ទី​ភ្នាក់ងារ​ណាសា​ចង់​ជ្រោម​ជ្រែង​ការ​អង្កេត​របស់​យើង​ឲ្យ​កាន់​តែ​ពេញ​លេញ​ក្ដី។ ទី​ភ្នាក់ងារ​នេះ​នឹង​ប្រកាស​បេសកកម្ម​ថ្មី​មួយ​ដែល​មាន​ឈ្មោះ​ថា ការ​អង្កេត​ប្រព័ន្ធ​ព្រះ​អាទិត្យ​ដ៏​អស្ចារ្យ ដែល​នឹង​បញ្ជូន​យាន​អង្កេត​មួយ​គ្រឿង​ទៅ​កាន់​ព្រះ​អាទិត្យ។

យានអង្កេត​នេះ​ ដែល​នឹង​មាន​ទំហំ​ប៉ុន​រថយន្ត​តូច​មួយ​គ្រឿង ត្រូវបាន​ចរនា​ឡើង​ដើម្បី​ធ្វើ​ប្រតិបត្តិការ​ក្នុង​អ្វី​ដែល​គេ​គិត​ថា​ជា​តំបន់​ក្ដៅ​បំផុត​របស់​ព្រះ​អាទិត្យ ដូចជា​ផ្ទៃ​ខាង​ក្រៅ​របស់​ព្រះ​អាទិត្យ​ជា​ដើម។ កូរ៉ូណា ដែល​ជា​ផ្ទៃ​របស់​ព្រះ​អាទិត្យ គេ​ប៉ាន់​ប្រមាណ​ថា​អាច​ក្ដៅ​ជាង​បរិយាកាស​រាប់​រយ​ដង​ឯ​ណោះ។

រហូត​ដល់​ទី​បំផុត យាន​អង្កេត​នេះ​នឹង​ប្រើ​ប្រាស់​បន្ទះ​ស្រូប​ពន្លឺ​ព្រះ​អាទិត្យ​ពីរ​ប្រភេទ​ខុសៗ​គ្នា​ដើម្បី​ប្រមូល​ថាមពល។ បន្ទះ​មេ​មួយ​ដែល​នឹង​ប្រតិបត្តិការ​កំឡុង​ពេល​ធ្វើ​ដំណើរ​ដើម្បី​ផ្គត់​ផ្គង់​ថាមពល​ក្នុង​ការ​រុញ​ច្រាន​យាន ខណៈ​បន្ទះ​ទី​ពីរ​នឹង​ត្រូវ​បាន​ផលិត​ពី​បន្ទះ​ដែល​មាន​សារធាតុ​ត្រជាក់ និង​សរសៃ​រ៉េស៊ីស្តង់​កំដៅ សម្រាប់​នៅ​ពេល​ឧបករណ៍​ស្រាវ​ជ្រាវ​ធ្វើ​ការ​សិក្សា​អំពី​ព្រះ​អាទិត្យ​ក្នុង​ចម្ងាយ ៣.៧​លាន​ម៉ៃយ៍។ នេះ​ជា​ចំណុច​ដែល​យើង​អាច​ដឹង​បាន​ថា​យើង​នៅ​មិន​ទាន់​មាន​បច្ចេកវិទ្យា​ដើម្បី​សិក្សា​អំពី​ព្រះ​អាទិត្យ​បាន​នៅ​ឡើយ ពីព្រោះ​កម្ដៅ​ដែល​ភាយ​យ៉ាង​ខ្លាំង រហូត​ដល់ ១៤០០​អង្សារ​សេ អាច​កម្ទេច​យាន​អង្កេត​បាន។

ក្នុង​ពេល​នេះ បេសកកម្ម​អង្កេត​ប្រព័ន្ធ​ព្រះ​អាទិត្យ​ដ៏​អស្ចារ្យ មាន​គោល​បំណង​នឹង​បង្ហោះ​នៅ​ឆ្នាំ ២០១៨។

ដក​ស្រង់ និង​បកប្រែ​ពី dvice.com

 
Leave a comment

Posted by on September 6, 2010 in Science

 

Tags: , , , , , , , , , ,

ថ្ងៃ​អាទិត្យ​នៅ​អំពែ​ភ្នំ

ថ្ងៃ​នេះ មិត្ត​ភក្តិ​បបួល​ទៅ​ហូបផឹក (ស៊ីផឹក) ​នៅ​រមណីយដ្ឋាន​អំពែ​ភ្នំ។ ខាន​មក​ទី​នេះ​ជិត ១០​ឆ្នាំ​ហើយ តែ​អ្វីៗ​ហាក់​គ្មាន​ផ្លាស់​ប្ដូរ​សោះ មាន​តែ​កាន់​តែ​ចាស់​ឡើងៗ។

តាម​ពិត​ទៅ បំណង​ដំបូង​គឺ​ចង់​ទៅ​លេង​រមណីយដ្ឋាន​គិរីរម្យ​ឯ​ណោះ​ទេ ប៉ុន្តែ​បើក​រថយន្ត​បាន​បន្តិច​ទៅ មាន​អារម្មណ៍​ថា​ខ្ជិល ក៏​សម្រេច​ចិត្ត​ទាំង​អស់​គ្នា​ថា​មក​សំចត​ត្រឹម​អំពែរ​ភ្នំ​វិញ។

ម្ហូប​នៅ​ទី​នេះ​ថ្លៃ​គួរ​សម​ដែរ អាច​ថា​ថ្លៃ​ជាង​រមណីយដ្ឋាន​ទន្លេ​បាទី ឬ​ភ្នំ​តាម៉ៅ។ បើ​ប្រៀប​ធៀប​បរិមាណ និង​តម្លៃ ម្ហូប​ដែល​ថ្លៃ​ជាង​គេ​គឺ​ម្ហូប​សត្វ​អង្ក្រង។ មួយ​ចាន​ធំ (ធំ​តែ​ចាន តែ​ម្ហូប​បាន​ពីរ​ម៉ាត់​ម្នាក់) តម្លៃ ២០,០០០​រៀល។ ខំ​ត​ថ្លៃ​អស់​ហើយ នៅ​ត្រឹម​តម្លៃ​ប៉ុណ្ណឹង។ ប៉ុន្តែ​វា​ជា​អាហារ​ដែល​ខ្ញុំ​ចាប់​អារម្មណ៍​ជាង​គេ ហើយ​រសជាតិក៏​មិនអន់​ដែរ។

បន្ទាប់​ពី​ផឹកហូប​អស់​មួយកំណាត់​ថ្ងៃ ក៏​បាន​ត្រឡប់​មក​លំនៅដ្ឋាន​វិញ។ ខំ​ផឹក​ឲ្យ​ហើយ មុន​ពេល​គេ​ចាប់​ផ្ដើម​អនុវត្ត​ច្បាប់​ចរាចរ​ថ្មី ដោយ​ផាក​ពិន័យ​ចំពោះ​អ្នក​បើក​បរ​ដែល​ស្រវឹង។

គួរ​បញ្ជាក់​ថា មន្រី​នគរបាល​នឹង​ចាប់​ផ្ដើម​ផាក​ពិន័យ​អ្នក​បើក​បរ​ដែល​ពិសារ​ស្រា ពី​ថ្ងៃ​ទី ០១ ខែ​តុលា ឆ្នាំ ២០១០ ខាង​មុខ​នេះ​តទៅ។ ប៉ុន្តែ​មិន​ដឹង​ថា អាច​អនុវត្ត​ទៅ​បាន​ដែរ​ឬ​អត់ ព្រោះថា​ប្រជាពលរដ្ឋ​ខ្មែរសព្វ​ថ្ងៃ ជាពិសេស​​មន្ត្រី​នគរបាល​ភាគ​ច្រើន​ជា​អ្នក​ចូល​ចិត្ត​ពិសារ​ស្រា​យ៉ាង​សំបើម​។ មាន​តែ​ពេលវេលា​ទេ ដែល​អាច​បញ្ជាក់​បាន…៕

អាហារ​សម្រន់​ពេល​ទៅ​ដល់​កន្លែង​កំសាន្ត​ភ្លាម

អាហារ​នៅ​អំពែ​ភ្នំ មាន​មាន់​ឆារ​ជាមួយ​ស្លឹក​គ្រៃ មាន់​ឆារ​ក្ដៅ កង្កែប​ប្រឡាក់​អំបិល​ម្ទេស​អាំង ត្រកួន​ឆារ​គ្រឿង​ក្នុង ឆារ​អង្ក្រង។ល។

ស្ពាន​យោល ដែល​ហាក់​ដូច​ជា​ទ្រុឌ​ទ្រោម​បន្តិច​ទៅ​ហើយ

ស្ពាន​យោល

 
Leave a comment

Posted by on September 5, 2010 in Cambodia Landscape, Life Style Focus

 

Tags: , , , ,